Kind words

Jy het die werk met sulke deernis en eerbied aangevat.

Baie dankie dat jy hierdie skildery met soveel meegevoel, ywer en respek voltooi het. Jou handewerk en jou hart is duidelik daarin sigbaar, en dit beteken vir my en my familie meer as wat woorde kan uitdruk.
Die huis wat in die skildery uitgebeeld word, was nie bloot ’n gebou nie — dit was die huis waarin ek grootgeword het, en dit was vir verskeie geslagte die middelpunt van ons familie. My oupa, die eerste Afrikaanssprekende argitek wat oorsee gaan studeer het, het die huis self ontwerp en gebou. Dit was sy gesinshuis tot met sy heengaan, en dit dra vir ons ’n geskiedenis wat diep en persoonlik is.
Dit was daarom ’n emosionele besluit om die eiendom te verkoop, en om die skildery, wat deur ’n geliefde familielid begin is, te laat voltooi deur jou na haar afstewe. Jy het die werk met sulke deernis en eerbied aangevat dat dit voel asof jy nie net die skildery voltooi het nie, maar ook die verhaal van ons familie met groot sorg afgerond het.
Dankie dat jy die gees van die oorspronklike kunstenaar én die betekenis van die plek so mooi eer. Jou bydrae het hierdie kunswerk iets besonders gemaak, iets wat ons vir altyd sal koester.

Charlien Els